قصيده وايه رايكم

بجيب شيٍ ماحدن قد جابه
لملمت في قولي جميع فروعي
بأغلى الثمن لو بالثمن يشرابه
جمهورنا اهدا واللتفت وانصت لي
واللي بقلبه حب ينسى احبابه
انكان قولي عاجبك صفق لي
وانكان غير فادعي بعجابه
لا تبتسم وتقول شاعر عادي
وتقول هالشاعر وش اللي جابه
الشعر في وادي وهو في وادي
ارموا بعفشه واحرقوا اكتابه
جامل ولو كنت منت مجامل
ان فات شي وما حسبت احسابه
انا بشر والنقص فينا عاده
والكامل الله والكمال اولابه
عرفت نفسي من بعد ما سمي
والصقر ما يعرف بلا مخلابه
الحمد لله أسمري تال اسمي
ماني من اللي ما يبي يدرابه
عرب النسب ومشمرين الكمي
مدامهم ربعي فلاني ابه
ان زاد في وقت الشدايد همي
وكلن يدور وينهم اقرابه
ناديت فاللي يشربون الدمي
لابتي يا عزها من لابه
يا تاج راسي ديرة ابني عمي
اعشق سماه واندفن بترابه
اقول بلسمر واملى فمي
ما تنطفي نيرانها الشبابه
عن اذنكم بغير القوميه
واقول هالشاعر وش اللي صابه
ياناس احبه والمحبه صعبه
اموت فيه وان حييت احيابه
يا ويل حال ان الصدف ما جت به
ولا حلوم الليله الكذابه
قلبي مبين ايدينها تلعب به
اكبر عليها كيف من لعابه
مثل القمر او زود عنه حبه
يحلا بها عمري وهي تحلابه
لا شفتها ما كنت اشيل اكبه
اتشهد الله وارفع السبابه
البارحه تابعت لخباريه
قالوا حكي ما ظنتي يحكابه
صرنا على لسان الامم هذريه
والحقد الاول كشروا عن نابه
قوات جويه معا بريه
واطفالنا غير الحجر مضرابه
قالوا علينا امه ارهابيه
ولا فعايلهم كمال اصوابه
ارهابنا؟ او قتلهم اميه
ما تعرف الرشاش والدبابه
ارهابنا ؟ او نهبهم حريه
او قتلهم طفله على يد بابه
ارهابنا ؟ ولا الدموع الحيه
صابت عيون الشاب قبل الشابه
هانوا كرامة بنتنا العذريه
والشايب المسكين زادوا مابه
يابوش يا شارون ياللي هيه
خذها من لسانن مهي كذابه
تراه يركبنا مثل جنيه
لامن طفحت الكيل فوق نصابه
طولت فيها وماهي اب مرثيه
قصدي اذكر من نسى اصحابه