يارب انا شاعر

يارب أن عبد خلقته من تراب وطيب ذات
ونفخت فيه الروح وأنت اللي على ذالك قدير

يا رب أنا مخترت أكون الشاعر اللي قاسيات
الطرق يطرقها وتصبح له أرق من الحرير

أنت الذي خلقت كائن حي غير الكائنات
الحمد لك والشكر والمنه وفضل الله كثير

يا رب أنا شاعر وهيم بكل وادي من شتات
وقول ما نفعل وأنا مؤمن ولي قلب وضمير

شاعر ويتبعني من الغاوين كثر الغاويات
أذنبهم من غرروبي صرت اقل من الصغير

البارحة هبت على الريح من كل الجهات
حتى عرفت إن الليالي غير والحب غير

وقمت أتلفت في السنين إللي غدت مني فوات
وآمنت إن العمر مهما طال في الدنيا قصير

كلا يموت وينتهي والوقت يمضي هات هات
ولا عاد يبقى إلا الذكر إن كان شر وان كان خير

والشاعر ابقى بعد موته بالعلوم الطيبات
أو عكسها والوقت يأخذ والقصايد تستخير

يا صاحبي يا حظي المكتوب ياغلا الأمنيات
يا اجمل الصدفات لو ماجات يالسهل العسير

من شهر وانا ما خذاني عنك بعد ولا سبات
وأنت تجاهلني وانا وضعي من أسبابك خطير

والحب ذنبن ما يكفره التجاهل والسكات
واجه فديتك واحسم الموقف يصير إللي يصير

ولا تعلقني على أمل نجوم(ن) ساريات
وابقى على قول البدو لولا الأمل مات الفقير

يا صاحبي رغم السنين المقبلة والماضيات
يا اعز وأغلا من على الدنيا برجلينه يسير

لا تحسبني جاهلا بعض الأمور الخافيات
إلي تحدك ونت مالك عن هوى قلبي مطير

ادري واقدر وأتحمل وأتحاشى الانفلات
ولا تراني في بعض الأحيان ما طيع الشوير

أنا من إلي مجدهم على ظهور المسرجات
قوم (ن) مهي بتشد لا جاها من القوم النذير

وشاعاد انا حين على شانه ووشلي في الحياة
ان كانني مسرجة هامة تفرق الجمع الغفير

لعيون من حبه رسى مرسى الجبال الراسيات
واذا ابتسم ماكنة إلا الموج في البحر الغزير